ປະຫວັດ​ຄວາມ​ເປັນ​ມາ

ຍິນ​ດີ​ຕ້ອນຮັບ ສູ່​ ວິທະຍາໄລ​ ສຸດ​ສະກະ ​ເພື່ອ​ການ​ບໍລິຫານ ​ແລະ ​ເທັກ​ໂນ​ໂລ​ຢີ

ວິທະຍາໄລ​ ສຸດ​ສະກະ ​ເພື່ອ​ການ​ບໍລິຫານ ​ແລະ ​ເທັກ​ໂນ​ໂລ​ຢີ ​ແມ່ນ​ສະ​ຖາ​ບັນ​ການ​ສຶກສາ​ແຫ່ງ​ໜຶ່ງ​  ເຊິ່ງໄດ້​ຮັບ​ການ​ສ້າງ​ຕັ້ງ​ຂຶ້ນ​ໃນ​ວັນ​ທີ 2 ​ເດືອນ​ທັນວາ ປີ 2002 ​​ເຊິ່ງມີ​ເປົ້າ​ໝາຍ​ເພື່ອ​ຕອບ​ສະໜອງ​ໃຫ້​ແກ່​ການ​ພັດທະນາ​ຊັບພະຍາກອນ​ມະນຸດໃນ ​ສ ປ ປ ລາວ ​ເຊິ່ງ​ເປັນ​ປັດໃຈ​ສໍາຄັນ​ໃຫ້​ແກ່​ການ​ພັດທະນາ​ເສດຖະກິດ ​- ສັງຄົມ​ແຫ່ງ​ຊາດ. ວິທະຍາໄລ​ ສຸດ​ສະກະ ​ເພື່ອ​ການ​ບໍລິຫານ ​ແລະ ​ເທັກ​ໂນ​ໂລ​ຢີ ດຳ​ເນີນ​ກິດຈະການ​ໂດຍ​ອີງ​ໃສ່​​ແນວ​ຄວາມ​ຄິດ​ທີ່ ບໍ່​ຫວັງ​ຜົນ​ກຳ​ໄລສູງສຸດ (ສະໜອງການສຶກສາທີ່ມີຄຸນນະພາບສູງ ໃຫ້ແກ່ມະຫາຊົນໃນ ຕົ້ນທຶນທີ່ສົມເຫດສົມຜົນ). ວິທະຍາໄລ ສຸດສະກະ ມີ​ທີ່​ຕັ້ງ​ຢູ່​ຈຸດ​ໃຈ​ກ່າງ​ຂອງ​ນະຄອນຫຼວງ ​ວຽງ​ຈັນ ​ເຊິ່ງ​ເຮັດ​ໃຫ້ການ​ໄປມາ​ຂອງ​ນັກ​ສຶກສາມີ​ຄວາມ​ສະດວກ​ສະບາຍ.  ​

ວິທະຍາໄລ ສຸດ​ສະກະ ​ເພື່ອ​ການ​ບໍລິຫານ ​ແລະ ​ເທັກ​ໂນ​ໂລ​ຢີ ​​ໄດ້​ຮັບ​ການ​ອະນຸຍາດ​ຈາກ​ກະຊວງ​ສຶກສາ​ທິການ​ໃຫ້​ດໍາເນີນ​ການ​ສິນ​ສອນ​ນັກ​ສຶກສາ​ໃນ​ຫຼັກສູດຊັ້ນ ​ປະລິນຍາ​ຕີ ​ແລະ ຊັ້ນ​ສູງ ​ໃນ​ສາຂາ ການ​ບໍລິຫານ​ທຸລະ​ກິດ, ການ​ບັນຊີ, ນິເທດສາດ ​ແລະ ວິທະຍາສາດ​ຄອມ​ພິວ​ເຕີ້. ນອກ​ນັ້ນ, ທະນາຄານ​ແຫ່ງ ສ ປ ປ ລາວ ຍັງ​ໄດ້​ອະນຸຍາດ​ໃຫ້​ສະ​ຖາ​ບັນ​ພວກ​ເຮົາ ​ເປັນ​ສູນ​ຝຶກ​ອົບຮົມ​ການ​ເງິນ​ຈຸ​ລະ​ພາກ.

ພາສາ​ລາວ​ແມ່ນ​ພາສາ​ທີ່​ໃຊ້​ໃນ​ການ​ສິດສອນ ​ແລະ ການບໍລິຫານ​ຂອງ​ສະ​ຖາ​ບັນ​ພວກ​ເຮົາ. ​ເຖິງ​ຢ່າງ​ໃດ​ກໍ​ຕາມ, ນັກ​ສຶກສາ​ທີ່​ບໍ່​ຮູ້​ພາສາ​ລາວ ຫຼື ມີ​ຄວາມ​ຊຳ ນານ​ດ້ານ​ພາສາ​ອັງກິດ ສາມາດ​ເຂົ້າ​ຮຽນ​ໃນ​ຫຼັກສູດ​ທີ່ສອນ​ໂດຍ​ໃຊ້​ພາສາ​ອັງກິດ.

ວິທະຍາໄລ ສຸດ​ສະກະ ​ເພື່ອ​ການ​ບໍລິຫານ ​ແລະ ​ເທັກ​ໂນ​ໂລ​ຢີ ​ແມ່ນບອນ​ທໍາອິດ​ ​ທີ່​​​ໄດ້​ຮັບ​ການ​ຮັບຮອງ​ຈາກ​ອົງການ​ສອບ​ເສັງ​ທຽບ​ລະດັບ​ພາສາ​ອັງກິດ​ຂອງ ​ສະຫະລັດ​ອາ​ເມ​ລິ​ກາ ​ໃຫ້​ດໍາ​ເນີນ​ການ​ສອບ​ເສັງ​ທຽບ​ລະດັບ​ພາສາ​ອັງກິດ TOEFL® iBT ໃນ ສ ປ ປ ລາວ ​ໃນ​ເດືອນ 7 ປີ 2006 ​ແລະ ​ໄດ້​ຈັດການ​ສອບ ​ເສັງ​ຄັ້ງ​ທໍາ​ອິດ​ໃນ ສ ປ ປ ລາວ ​ໃນ​ເດືອນ 8 ປີ 2006.

ນັກ​ສຶກສາ​ທີ່​ຈົບ​ການ​ສຶກສາ​ຈາກ​ວິທະຍາໄລ​ພວກ​ເຮົາ ບໍ່​ພຽງ​ແຕ່​ຈະ​ມີ​ຄວາມ​ຮູ້​ດ້ານ​ວິຊາ​ການທີ່​ຕົນ​ສຶກສາ ​ເທົ່າ​ນັ້ນ ​ແຕ່​ຍັງ​ມີ​ຄວາມ​ຮູ້ ​ແລະ ທັກ​ສະດ້ານ​ການ​ເປັນ​ຜູ້ນຳ, ຄວາມ​ສາມາດ​ດ້ານ​ການ​ສື່ສານ​ກັບ​ບຸກຄົນ​ ອື່ນ, ​ແນວ​ຄວາມ​ຄິດ​ສ້າງສັນ, ຮັບຜິດຊອບ​ຕໍ່​ສັງຄົມ ແລະ ມີ​ຄວາມກະຕືລື​ລົ້ນ​ຫ້າວຫັນ. ຄຸນ​​ສົມບັດ​ທີ່​ ດີ​ເລົ່າ​ນີ້ ​ແມ່ນ​ໄດ້​ຮັບ​ການ​ປູກຝັງ​ໂດຍ​ຜ່ານ​ວັດທະນະທໍາ​​ອົງການຂອງ​ພວກ​ເຮົາທີ່​ນັກ​ສຶກສາມີ​ຄວາມ​ໃກ້ ຊິດຕິດ​ແທດ​ໃນ​ແຕ່​ລະ​ວັນ ​ແລະ ຜ່ານ​ກິດຈະກຳ​ນອກ​ຫຼັກສູດ​ຕ່າງໆ​ຂອງ​ພວກ​ເຮົາ. ນັກ​ສຶກສາຂອງວິທະ ຍາໄລ​ພວກ​ເຮົາ ຈະ​ໄດ້​ຮັບ​ການ​ຊຸກຍູ້​ໃຫ້​ເຂົ້າ​ຮ່ວມ​ກິດຈະກຳ​ຕ່າງໆ​ຂອງ​ວິທະຍາໄລ ​​ໂດຍ​ອີງ​ຕາມ​ຄວາມ​ມັກ ​ແລະ ຄວາມ​ທະ​ນັດ​ຂອງ​ນັກ​ສຶກສາ​ແຕ່ລະຄົນ. ດ້ວຍ​ວິທີ​ນີ້, ​ພວກ​ເຮົາ​ສາມາດ​ຂຸດຄົ້ນ​ເອົາຄວາມ​ສະມາດ​ສະ ​ເພາະ​ຂອງ​ນັກ​ສຶກສາ​ແຕ່ລະຄົນ​ອອກ​ມາ​ໄດ້​ ​ເຊິ່ງຄວາມ​ສາມາດ​ສະ​ເພາະ​ນັ້ນ​ຈະ​ຊ່ວຍ​ໃຫ້​ນັກ​ສຶກສາ​ປະສົບ ​ຜົນສໍາ​ເລັດ​ໃນ​ອະນາຄົດ​ໄດ້. ພວກ​ເຮົາ​ໄດ້​ມີ​ການ​ຈັດ​ກຸ່ມ​ ​ແລະ ທີ​ມກິລາ​ປະ​ເພດຕ່າງໆ​ໃຫ້​ນັກ​ສຶກສາ.

   

ວິທະຍາໄລພວກ​ເຮົາ ​ໄດ້​ສ້າງ​ຕັ້ງ​ກຸ່ມ​ຫຸ່ນ​ໂລ​ໂບ (Robotic club) ​ໃຫ້​ນັກ​ສຶກສາ​ຄະນະ​ເທັກ​ໂນ​ໂລ​ຢີຂໍ້​ມູນ​ ຂ່າວສານ ​ໂດຍ​ມີ​ເປົ້າ​ໝາຍ​ສ້າງ​ໃຫ້​ນັກ​ສຶກສາມີ​ແນວ​ຄວາມ​ຄິດ​ສ້າງ​ສັນ ​ແລະ ມີ​ປະສົມ​ການ​ໃນການ​ສ້າງ ​ຫຸ່ນ​ຍົນ ​ແລະ ຂຽນ​ໂປ​ຣກຣາມ​ຄອມ​ພິວ​ເຕີ້​ຝັງ​ໃສ່​ໃນ​ໂຕ​ຫຸ່ນ. ​ໃນ​ແຕ່ລະ​ປີ ພວກ​ເຮົາ​ໄດ້​ສົ່ງ​ຫຸ່ນ​ເຂົ້າ​ແຂ່ງ ຂັນ​ໃນ​ງານ​ແຂ່ງຂັນ​ຫຸ່ນ​ຍົນ​​ທີ່​ຈັດ​ທີ່​ນະຄອນຫຼວງ​ວຽງ​ຈັນ.

ວິທະຍາໄລ​ພວກ​ເຮົາ​​

  • ທຳ​ການ​ສິດສອນ​ໃນຫຼັກສູດ​ຊັ້ນ​ປະລິນຍາ​ຕີ ​ແລະ ຊັ້ນ​ສູງ;
  • ​ເດີນ​ເນີນ​ວຽກ​ງານ​ດ້ານ​ບໍລິການທີ່​ປຶກສາ​ໃຫ້​ໂຄງການ​ດ້ານ​ການ​ພັດທະນາ ​ແລະ ບໍລິສັດ​ເອກະ​ຊົນ​ຕ່າງໆໃນ​ລາວ;
  • ຮ່ວມ​ມື​ກັບ​ອົງການ​ລັດ, ອົງການ​ສາກົນ ​ແລະ ບໍລິສັດ​ເອກະ​ຊົນ​ຕ່າງໆ ​ກ່ຽວ​ກັບ​ວຽກ​ງານ​ດ້ານ​ການ​ສຶກສາ ​ແລະ ການ​ພັດທະນາ;
  • ຈັດ​ກອງ​ປະຊຸມ​ສຳ​ມະ​ນາດ້ານ​ວິຊາ​ການ ​ແລະ ການ​ຝຶກ​ອົ​ບຮົມ​ໄລຍະ​ສັ້ນ​ຕ່າງໆ.

ວິທະຍາໄລ​ພວກ​ເຮົາ​ມີ 3 ຄະນະ​ວິຊາ​ດັ່ງ​ລຸ່ມ​ນີ້:

Home