I. ຄວາມເປັນມາຂອງການແຂ່ງຂັນ
ການແຂ່ງຂັນຫຸ່ນຍົນຂອງນັກສຶກສາລາວໄດ້ຈັດຂຶ້ນເປັນຄັ້ງທໍາອິດ ໃນປີ 2002 ທີ່ຄະນະວະສະວະກໍາສາດ, ມະຫາວິທະຍາໄລແຫ່ງຊາດ ໂດຍການສະໜັບສະໜູນຈາກສະຖານທູດຢີປຸ່ນປະຈໍາລາວ ແລະ ໄດ້ດໍາເນີນການແຂ່ງຂັນເລື້ອຍມາທຸກໆປີ ເຊິ່ງການແຂ່ງຂັນແຕ່ລະປີ ລ້ວນແລ້ວແຕ່ແມ່ນນັກສຶກສາໃນຄະນະຕ່າງໆ ຂອງມະຫາວິທະຍາໄລແຊ່ງຊາດ ແລະ ວິທະຍາໄລ ຂອງລັດທີ່ເຂົ້າຮ່ວມເປັນສ່ວນໃຫຍ່. ວິທະຍາໄລ ສຸດສະກະ ເພື່ອການບໍລິຫານ ແລະ ເທັກໂນໂລຢີ ເປັນວິທະຍາໄລທໍາອິດ ເຊິ່ງຕ່າງໜ້າໃຫ້ແກ່ການສຶກສາພາກເອກະຊົນ ທີ່ໄດ້ເຂົ້າຮ່ວມການແຂ່ງຂັນຫຸ່ນຍົນດັ່ງກ່າວນັບແຕ່ປີ 2005 ເປັນຕົ້ນມາ ຈົນເຖິງປັດຈຸບັນ. ຈາກການເຂົ້າຮ່ວມກິດຈະກໍາດັ່ງກ່າວ ເຫັນໄດ້ວ່າໄດ້ຮັບການຕອບຮັບຈາກບັນດານັກສຶກຂອງວິທະຍາໄລເປັນຈໍານວນຫລາຍ ໂດຍສະເພາະນັກສຶກສາຄະນະວິທະຍາສາດຄອມພິວເຕີ ແລະ ໃນການແຂ່ງຂັນປີ 2008 ເປັນຄັ້ງທໍາອິດທີ່ນັກສຶກສາວິທະຍາໄລ ສຸດສະກະ ເພື່ອການບໍລິຫານ ແລະ ເທັກໂນໂລຢີໄດ້ຮັບລາງວັນຊະນະເລີດໃນການແຂ່ງຂັນຫຸ່ນຍົນ ປີ 2008 ຍິ່ງເພີ່ມຄວາມກະຕືລືລົ້ນໃນນັກສຶກສາສົນໃຈຕໍ່ກິດຈະກໍານີ້ຂຶ້ນຫລາຍຕື່ມ.
ດັ່ງນັ້ນ, ເພື່ອເປັນການສົ່ງເສີມທັກສະຂອງນັກສຶກສາທັງພາຍໃນ ແລະ ນອກສະຖາບັນ ພ້ອມທັງເປັນການເສີມສ້າງ ຄວາມສາມັກຄີ ລະຫວ່າງບັນດາປະເທດໃນຂົງເຂດລຸ່ມແມ່ນໍ້າຂອງ ໃຫ້ມີໂອກາດໄດ້ພັດທະນາທັກສະຄວາມຄິດ ສ້າງສັນທາງເທັກໂນໂລຢີ, ດ້ວຍເຫດນີ້ Mekong Region Robot Competition 2010 ຈິ່ງເກີດຂຶ້ນ.
ການແຂ່ງຂັນຫຸ່ນຍົນບັນດາປະທດລຸ່ມແມ່ນໍ້າຂອງ ປະຈໍາປີ 2010 ຈະໄດ້ຈັດຂຶ້ນ ໃນວັນທີ 23 ທັນວາ ປີ 2010, ທີ່ນະຄອນຫລວງວຽງຈັນ ໂດຍການເປັນເຈົ້າພາບຂອງ ວິທະຍາໄລ ສຸດສະກະ ເພື່ອການບໍລິຫານ ແລະ ເທັກໂນໂລຢີ.
II. ຈຸດປະສົງ
ຈຸດປະສົງໃນການຈັດການແຂ່ງຂັນຫຸ່ນຍົນບັນດາປະເທດລຸ່ມແມ່ນໍ້າຂອງ ປີ 2010 ຄັ້ງນີ້ກໍເພື່ອ:
- ສົ່ງເສີມໃຫ້ເກີດການອອກແບບວິໃຈ ແລະ ພັດທະນາດ້ານ Robotics ໃນສະຖາບັນການສຶກສາລະດັບວິຊາຊີບ ແລະ ການສຶກສາຊັ້ນສູງ;
- ສົ່ງເສີມຄວາມຮູ້ຄວາມສາມາດ ແລະ ກະຕືລືລົ້ນຂອງ ບັນດານັກສຶກສາໃນສາຍຊັ້ນສູງ ແລະ ວິຊາຊີບໃນການສ້າງຫຸ່ນຍົນທີ່ເຮັດດ້ວຍທັກສະ, ຄວາມສາມາດ, ແລະ ຄວາມພະຍາຍາມຂອງຕົນເອງ;
- ສົ່ງເສີມ, ພັດທະນາ ແລະ ດຶງເອົາຄວາມອາດສາມາດທີ່ບົ່ມຊ້ອນ ພ້ອມແນວຄິດສ້າງສັນຂອງນັກສຶກ ສາລາວໃຫ້ທົ່ວສັງຄົມໄດ້ຮັບຮູ້;
- ສະໜັບສະໜູນໃຫ້ນັກສຶກສາລາວໄດ້ປະສົບການໃນການຮ່ວມມືກັນເຮັດວຽກເປັນທີມ ແລະ ເປີດໂອກາດໃຫ້ນັກສຶກສາແຕ່ລະສະຖາບັນການສຶກສາໄດ້ມີໂອກາດນໍາໃຊ້ປະສົບການຈາກພາກທິດສະດີສູ່ພາກປະຕິບັດຕົວຈິງ; ພ້ອມທັງເປັນການເປີດໂອກາດໃຫ້ນັກສຶກສາແຕ່ລະສະຖານການສຶກສາໄດມີໂດກາດສະແດງຄວາມຮູ້ຄວາມສາດມາດຂອງຕົນທີ່ໄດ້ສະສົມມາອອກເປັນຮູບປະທໍາ.
- ໃຫ້ນັກສຶກສາໄດ້ໃຊ້ຄວາມຮູ້ຄວາມສາມາດໃນການສ້າງຫຸ່ນຍົນໂດຍມີການປະສົມປະສານ 3 ທັກສະ ຫລັກຄື: ທັກສະດ້ານໂຄງສ້າງຫົນຍົນ, ທັກສະດ້ານວົງຈອນໄຟ້າ ແລະ ທັກສະດ້ານການຂຽນໂປຣແກຣມ ໂດຍສະເພາະນັກສຶກສາຈະໄດ້ປະສົບການຈາກການນໍາໃຊ້ Micro-controller;
- ເປັນການແລກປ່ຽນຄວາມຮູ້ດ້ານເທັກນິກ ແລະ ເສີມສ້າງຄວາມສາມັກຄີ ຂອງນັກສຶກສາສາຍຊັ້ນສູງ ແລະ ວິຊາຊີບທາງພາຍໃນ ແລະ ຕ່າງປະເທດ ໂດຍສະເພາະບັນດາປະເທດທີ່ມີສາຍແດນຕິດກັບປະເທດລາວ;
III. ທີມນັກສຶກສາທີ່ຈະເຂົ້າຮ່ວມການແຂ່ງຂັນຫຸ່ນຍົນຄັ້ງນີ້ ມີ:
- ທີມນັກສຶກສາຈາກ ວິທະຍາໄລ ສຸດສະກະ ເພື່ອການບໍລິຫານ ແລະ ເທັກໂນໂລຢີ.
- ທີມນັກສຶກສາຈາກ ຄະນະ ວິສະວະກຳເອເລັກໂຕຣນິກ ແລະ ໂທລະຄົມມະນາຄົມ.
- ທີມນັກສຶກສາຈາກ ຄະນະວິສະວະກຳຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານ; ມະຫາວິທະຍາໄລ ແຫ່ງຊາດລາວ.
- ທີມນັກສຶກສາຈາກ ຄະນະວິທະຍາສາດຄອມພີວເຕີ; ມະຫາວິທະຍາໄລ ແຫ່ງຊາດລາວ.
- ທີມນັກສຶກສາຈາກ ຄະນະວິສະວະກຳກົນຈັກ; ມະຫາວິທະຍາໄລ ແຫ່ງຊາດລາວ.
- ທີມນັກສຶກສາຈາກ ສູນຝຶກອົບຮົມເຕັກນິກ ລາວ-ເຢຍລະມັນ; ມະຫາວິທະຍາໄລ ແຫ່ງຊາດລາວ.
- ທີມນັກສຶກສາຈາກ ສູນຮ່ວມມື ລາວ-ຢີປຸ່ນ; ມະຫາວິທະຍາໄລ ແຫ່ງຊາດລາວ.
- ທີມນັກສຶກສາຈາກ ໂຮງຮຽນເຕັກນິກວິຊາຊີບ ແຂວງ ຫຼວງພະບາງ.
- ທີມນັກສຶກສາຈາກ ໂຮງຮຽນເຕັກນິກວິຊາຊີບ ປາກເຊ.
- ທີມນັກສຶກສາຈາກ ໂຮງຮຽນເຕັກນິກວິຊາຊີບ ມິດຕະພາບ ວຽງຈັນ-ຮ່າໂນຍ.
- ທີມນັກສຶກສາຈາກ ປະເທດໄທ.
ດາວໂຫຼດກະຕິການແຂ່ງຂັນ ຕາມລິ້ງ:
ກະຕິກາ: ພາສາລາວ , ໂລໂກງານແຂ່ງຂັນ
ຮູບພາບການແຂ່ງຂັນຄັ້ງທີ່ຜ່ານມາ: Robot Club ປີ 2006, 2007, 2008, 2009
Home |
